Seleksyon ayisyèn U20 a benefisye yon viktwa 3-0 sou tapi vèt fas ak Giyàn, dapre Juno7 Haïti, aprè yon desizyon CONCACAF. Viktwa sa a vini aprè eksklizyon Giyàn nan konpetisyon an akoz de ensidan ki te pase pandan yon match kont Anguilla.
Gras a desizyon sa a, Ayiti pran tèt gwoup D la. Ekip la bezwen sèlman yon match nul kont Curaçao pou kalifye pou faz final eliminatwa koup du mond U20 ak Je Olenpik yo.
Anvan viktwa administratif sa a, Ayiti te deja anrejistre pèfòmans solid avèk viktwa 7-0 ak 4-0 pandan premye match li yo. Rankont desizif kont Curaçao a enpòtan anpil Pou konfime kalifikasyon an.
