Yon imel pèsonèl Kash Patel, ki se direktè FBI a, te pirate pa gwoup Haker Handala, ki sispèk gen lyen ak Iran. Dokiman ak foto yo te jwenn nan atak sa a, gwoup la lage yo sou entènèt, dapre plizyè medya ameriken ki te rapòte nouvèl la 27 mas 2026.
FBI Pou konfime sa ki pase a nan yon deklarasyon, li presize enfòmasyon yo te jwenn yo sevan lontan anvan yo te nome Kash Patel an 2025 e yo pa t gen okenn karaktè ofisyèl. "Enfòmasyon yo genyen yo demode e yo pa gen okenn enfòmasyon gouvènman ladan yo," FBI a te di, e li te ajoute yo te pran mezi pou yo reyaji devan posib danje yo.
Dokiman yo lage yo gen ladan yo imel ak foto vwayaj Kash Patel ki soti nan ane 2011 rive 2022. Gwoup Handala, ki konnen kòm youn nan pi gwo Haker yo, te deklare aksyon sa a se yon repons ak arestasyon non domèn ki te fè pa FBI a.
Atak sa a vini nan yon moman kote gen anpil tansyon. Gwoup Handala te dedye mesaj yo bay "mártirs Dena yo", ki refere a marinye iranyen yo ki te mouri lè yon soumaren ameriken te koule yon bato lagè Iranyen. Ministè Jistis Ameriken an te anonse resamman yo te sezi kèk sit entènèt ki gen rapò ak Haker iranyen yo, e Depatman Deta a ap ofri yon rekonpans pou enfòmasyon sou moun k ap fè atak sou entènèt pou pouvwa etranje.
