Nan Texas, uit moun ki te manifeste kont politik migrasyon ak aksyon ICE (Immigration and Customs Enforcement) yo te rekonèt koupab teworis aprè efrontman ak lapolis an Jiyè dènye. Ensidan an te rive tou pre yon sant detansyon pou migran nan Fort Worth.
Daprè RFI, pwokirè yo te diskite ke manifestan yo te prepare yon aksyon vyolan, pandan ke avoka defans yo te soutni ke se te yon pwotestasyon politik ki pwoteje pa Premye Amannman Konstitisyon Ameriken an. Yon jiri federal rekonèt akize yo koupab divès akizasyon, tankou revòlt, itilizasyon zam ak eksplozif, ak sipò materyèl pou teroris.
Benjamin Song, prezante kòm chèf yon «selil antifa nan nò Texas», riske prizon a vi pou tantativ asasina sou yon ofisye lapolis. Pwokirè jeneral Pamela Bondi salye vèdik la, li di ke administrasyon Trump ap travay pou demantle gwoup antifa yo. Òganizasyon defans libète sivil yo enkyete ke kalifikasyon teworis sa a ka itilize pou reprime mouvman pwotestasyon yo.
