Rezo Nasyonal Medya sou Entènèt (RENAMEL) eksprime gwo enkyetid li apre kidnapin 2 jounalis, Osnel Espérance nan Uni FM ak Junior Célestin nan Radio Mégastar, ki te rive 13 mas 2026 nan Pòtoprens. RENAMEL pibliye yon kominike ki kondane zak sa a ke li kalifye kòm « inhumain » epi kòm yon gwo atak sou libète laprès.
RENAMEL mande otorite polis yo ak gouvènman an pou pran responsablite yo epi aji imedyatman pou lokalize epi libere jounalis yo. Òganizasyon an ensiste sou nesesite pou garanti sekirite jounalis yo, ki de pli zan pli ekspoze a risk nan egzèse fonksyon yo an Ayiti, dapre Juno7 Haïti.
RENAMEL reyafime angajman li pou swiv sitiyasyon an ak anpil atansyon epi li di li solidaire ak jounalis ayisyen yo. Òganizasyon an mande pou mete an plas dispozisyon ijan pou asire pwoteksyon pwofesyonèl medya yo.
