FIFA fèk mete aksan sou retou Ayiti sou sèn mondyal foutbòl la, aprè kalifikasyon li pou koup du mond 2026 la. Nan yon piblikasyon sou paj Facebook li 17 mas 2026 la, FIFA envite fanatik yo pou yo dekouvri ou redekouvri ekip ayisyèn nan, ki te absan nan konpetisyon sa a depi 1974.
Sou tèm « Aprann konnen : Ayiti », FIFA mete aksan sou parcours Grenadye yo, ki valide kalifikasyon yo pandan eliminatwa zòn CONCACAF an novanm 2025. Kalifikasyon sa a make yon moman istorik pou peyi a epi li reviv fyète nasyonal la.
Nan apwòch tounwa a, Ayiti ap prepare pou afwonte ekip wo nivo. Menm si tiraj ofisyèl gwoup yo poko fèt, ekip ayisyèn nan afiche gwo anbisyon, li espere atenn premye faz eliminasyon dirèk yo pou premye fwa. Dapre Juno7 Haiti, patisipasyon sa a reprezante yon gwo espwa pou foutbòl ayisyen.
