Daprè France 24, Zohran Mamdani, majistra New York, te anonse liberasyon yon etidyan nan inivèsite Columbia, Elmina Aghayeva, aprè entèvansyon li avèk Donald Trump. Ajan ICE te arete etidyan an, e daprè prezidan enterimè inivèsite a, Claire Shipman, yo te antre nan rezidans li a lè yo te prezante tèt yo kòm polisye kap chèche yon timoun ki disparèt.
Mamdani te fè prezidan ameriken an konnen enkyetid li, e li te imedyatman bay lòd pou yo libere etidyan an. Elmina Aghayeva te konfime liberasyon li ak sekirite li sou Instagram. Ensidan an te pwovoke reyaksyon viv, sitou nan men inivèsite Columbia, ki te denonse arestasyon an kòm yon bagay ki pa akseptab.
